Førdefestivalens seminarprogram: KULTUR FOR FRED

Gjennom seminarprogrammet Kultur for fred set Førdefestivalen søkjelys på kva kunst og kultur har å bety for samfunnsbygging. Kunst og kultur styrkjer dei demokratiske verdiane våre, viser krafta som bur i eit sosialt fellesskap, og det å forstå kvarandre.

Programmet samlar forskarar, kunstnarar, politikarar og samfunnsaktørar til kritisk refleksjon og kunnskapsutveksling om kulturen si rolle i arbeidet for å hindre konfliktar, skape fred og utvikle eit demokratisk samfunn.

Fullt seminarprogram finner du her. Seminaret er gratis, og alle er velkomne!

I samarbeid med Førdefestivalen arrangerer vi ein post på seminarprogrammet:

Er kulturen påkopla samtida?

TORSDAG 2. JULI KL. 11.00-11.30
Scene 2, Nynorskhuset

I ein panelsamtale med Sølvi Lien frå Førdefestivalen og Ida Pallin Bostadløkken frå Kapittelfestivalen løftar vi blikket og stiller dei store spørsmåla: Kva samfunnsansvar har kulturlivet i møte med krig, urett og globale kriser? Kvar går grensa mellom solidaritet, aktualitet og kunstnarleg fridom?

Panelet diskuterer spenninga mellom etisk ansvar og kunstnarleg programmering – og om kulturen er tett nok kopla på samtida vi lever i.

Samtalen blir leia av Anne Arnesen Mørch frå Tekstallianse.